«Нәфис Косметикс» оешмасы үзенчәлекле балалар тәрбияләүче аналарга 48 бүләк җыелмасы тапшырды

Предприятие тарафыннан барлыгы 275 килограмм продукция: кер юу порошогы, кер юу өчен гель һәм капсулалар, савыт-саба юу сыеклыгы, каты һәм сыек сабын тапшырылган

Марат Мөгыйнов фотосы

Казанда Әниләр көне уңаеннан «Нәфис Косметикс» компаниясе мөмкинлекләре чикле балалар тәрбияләүче хатын-кызларны котлаган. Балалары «Тылсым» инклюзив үзәгендә шөгыльләнүче аналар 48 бүләк җыелмасы кабул итеп алганнар. Предприятие тарафыннан барлыгы 275 килограмм продукция: кер юу порошогы, кер юу өчен гель һәм капсулалар, савыт-саба юу сыеклыгы, каты һәм сыек сабын тапшырылды, дип хәбәр итә оешманың матбугат хезмәте.

«Изге һәм игелекле бәйрәм алдыннан без авырлыкларга бирешмәгән һәм ана булу көчен башкалардан тирәнрәк аңлаган хатын-кызларга ярдәм итәргә телибез. Җир йөзендәге һәр әни сәламәт, бәхетле, тормышы шатлыклы мизгелләр бай булсын!» - дип изге теләкләрен җиткерде «Нәфис Косметикс» генераль директоры Динә Лаврикова.

Исегезгә төшерәбез, укыту-күнекмәләр фатиры булган «Тылсым» инклюзив үзәге узган елны Ипподром урамындагы 18 нче йортта ачылган иде. Киңлектә аерым ихтыяҗлары булган балалар өчен спорт залы булдырылган. Анда адаптив физик тәрбия, үз-үзеңне саклау һәм сенсор-мотор коррекциясе буенча, остаханәдә – нейроиҗат, рәсем ясау, әвәләү һәм декоратив-гамәли сәнгать буенча дәресләр үткәрелә.

Шулай ук укыгыз

28.11.2025, 11:58

Иртәгә Казанда авыл хуҗалыгы ярминкәләре уздырыла
28.11.2025, 10:30

Композитор Рәшит Кәлимуллин Илсур Метшинга 1,7 мең музыка уен коралыннан торган җыелма тәкъдим итте
28.11.2025, 09:17

«Крылья» инклюзив үзәгендә анимация студиясе ачылды
28.11.2025, 09:05

Казанда 37 чыршы шәһәрчеге эшләячәк

Барлык яңалыклар