“Динамо-Казан” командасы чирәмдәге хоккей буенча 16-нчы тапкыр Россия чемпионы булды

Чемпионат барышында Казан динамочылары 67 очко җыйды.

(Казан шәһәре KZN.RU, 15-нче октябрь). 14-нче октябрьдә “Динамо-Казан” командасы, соңгы матчта Азов шәһәренең “Тана”сын 8:3 исәбе белән җиңеп, 16-нчы тапкыр чирәмдәге хоккей буенча Россия чемпионы исеменә лаек булды.

Чемпионат барышында Казан динамочылары 67 очко җыйды. “Динамо-Электросталь” уенчылары, соңгы уенда Санкт-Петербургның җыелма командасын җиңүләренә (5:2) карамастан, татарстанлыларны куып җитә алмады һәм чемпионатны 64 очко белән 2-нче урында тәмамлады. Екатеринбургның “Динамо-Строитель” хоккей командасы бронза призерлары булды, дип хәбәр итә “Динамо-Казан” командасы матбугат хезмәте.

Шулай ук укыгыз

Барлык яңалыклар