КФУда бюджет урыннары саны яңа уку елында 200 берәмлеккә артачак

Россия гражданнарын кабул итү кампаниясе – 20 нче июньдә, чит ил гражданнарын кабул итү кампаниясе 1 нче апрельдә башланачак

Фото: Денис Гордийко

Казан федераль университеты бюджет урыннары күләме буенча лидер булган югары уку йортлары санына керде. 2024/2025 уку елында аларның саны 199 га 7499 га кадәр артачак.

Бакалавриат һәм белгечлеккә – 4 894 бюджет урыны, магистратурага 2 605 бүлеп бирелгән. Максатчан квота күләме апрель аенда билгеле булачак.

Чит ил гражданнары өчен кабул итү кампаниясе – 1 нче апрельдә, ә Россия гражданнары өчен 20 нче июньдә башланачак. Югары уку йортына документлар кабул итү 15 нче июльгә кадәр дәвам итәчәк.

Гомуми конкурс буенча кабул итү турында төп боерыкны 4 нче августта чыгарачаклар, өстенлекле дулкын буенча исемлекләр июльдә чыгачак, дип хәбәр итә КФУның матбугат хезмәте.

2024/2025 уку елына Россия вузларында бюджет урыннарының гомуми күләме 620,5 мең тәшкил итәчәк. Тиешле боерыклар РФ Мәгариф һәм фән министрлыгы тарафыннан чыгарылган.

Шулай ук укыгыз

Барлык яңалыклар