«Воздух» һәм «Асия» кинокартиналарын Казан тамашачыларына онлайн-сеанста күрсәтәчәкләр

Ахырдан фильмнарның режиссерлары һәм төшерү төркемнәре әгъзалары белән иҗади очрашу узачак.

(Казан шәһәре KZN.RU, 6-нчы май). 7-нче майда «Алтын тәлинкә» кинопремиясе каталогыннан ике кинокартинаны онлайн-күрсәтү була. Кинотасманы тудыручылар буларак Казахстан һәм Башкортстаннан яшь режиссерлар чыгыш ясады. «Воздух» һәм «Асия» фильмнарын онлайн-карауда һәм алар турында фикер алышуда, сылтама буенча теркәлеп, барлык теләүчеләр дә катнаша ала. Сеанс 15.00 сәгатьтә башлана.

Башта тамашачылар Казахстан режиссеры Айжана Касымбек эше - «Воздух» фильмы белән танышачак. Сюжет буенча малай очучы булырга хыяллана, әмма аның бабасы параличланган, бурыч һәм мәхәббәт хисе оныгын йорттан җибәрми. Тамашачылар бу мәхәббәтнең яшүсмергә җинаятькә бармаска ярдәм итәчәкме-юкмы икәнен беләчәк. «Воздух» фильмы Казанда XI Халыкара яшьләр кинофестивалендә жюри тарафыннан махсус приз белән бүләкләнде.

Алга таба Н.С.Михалковның кинематография һәм театр сәнгате академиясе ярдәмендә төшерелгән башкорт режиссеры Динара Абдрашитованың «Асия» кинолентасы күрсәтеләчәк. Фильм Асия исемле кыз турында сөйли, кайчандыр әнисе аңа әтисенең очучы булуын сөйләгән. Шуннан бирле кечкенә героиня һәр иртәне күктәге самолетларны карый һәм әтисе аны күрер дип өметләнеп кул болгый. Көннәрдән бер көнне әнисе кичен аларга кунак киләчәге хакында хәбәр итә. Асия аны әтисе , ниһаять, күктән күргән дип ышана.

Онлайн-сеанс тәмамлангач, фильмнар режиссерлары һәм төшерү төркемнәре әгъзалары белән иҗади очрашу, шулай ук эксперт - кинотәнкыйтьче, сәнгать белеме магистры Александр Поршнева белән дискуссия булачак. Чара Zoom платформасында узачак. Очрашуга сылтама timepad.ru аша чарага теркәлгән барлык кешеләргә электрон адресларга җибәреләчәк, дип хәбәр итә «Кино вакыты» дирекциясе матбугат хезмәте.

Исегезгә төшерәбез, онлайн-проект Казанда гамәлгә куелган «Алтын тәлинкә» кинематография өлкәсендәге I төбәкара премия кысаларында тормышка ашырыла.

Шулай ук укыгыз

Барлык яңалыклар