Кибермошенниклар Казанда яшәүче хатын-кыздан 1 млн сумнан артык акча урлаган

Хатын-кыз электрон биржа платформасы ярдәмендә акча эшләргә тырышкан.

Фото: Казан шәһәре KZN.RU

(Казан шәһәре KZN.RU, 3-нче сентябрь). Казанда яшәүче 37 яшьлек хатын-кыз кибермошенниклар гамәлләреннән зыян күргән, аларга ул гомуми алганда миллион сумнан артык акча күчергән.

Зыян күрүче социаль челтәрдә танылган банкларның берсенә сылтама белән югары керемле инвестицияләр турындагы тәкъдимгә юлыккан һәм сайтта кире шалтырату өчен үз мәгълүматларын калдырган. Шуннан соң аның белән компаниянең ялган менеджеры элемтәгә кергән, ул кыска вакыт эчендә хатын-кыз яхшы акча эшли алачак, дип вәгъдә иткән.

Хатын-кыз брокерлык килешүләрен башкару өчен махсус кушымта урнаштырган. Биржадагы беренче килешүләрдән табышны ул чыннан да ала алган. Шул ук вакытта ул электрон янчык булдырган һәм операция үткәргәндә үзенең банк картасының номерын күрсәткән.

Тиздән хатын-кызга тагын ялган аналитик шалтыраткан, алыш-биреш барышынды ул акча эшләячәк һәм әҗәтне кыска вакыт эчендә түләячәк, дип вәгъдә иткән. Хатын-кызның инде бер кредит түләвен белгәч, җинаятьче криптовалюта сатып алу өчен калган акчаларны файдаланырга һәм кредитка тагын 290 мең сум акча алырга тәкъдим иткән, берничә көннән алдакчы зыян күрүченең тагын берничә кредит алуын таләп иткән, алар шулай ук хупланган. Кредит акчаларын хатын-кыз мөстәкыйль рәвештә берничә счетка күчергән.

Үткәрелгән операцияләрдән соң зыян күрүче мошенникка криптовалюта янчыгының уникаль номерын хәбәр иткән, һәм беркадәр вакыттан соң ул аның хисабы блокланган, ә биржада аның аккаунтыннан сәүдә тыелган булуын ачыклаган. Җинаятьче хатын-кызга платформага ярдәм хезмәтенә язарга киңәш иткән.

Зыян күрүче ярдәм хезмәтенә мөрәҗәгать иткәннән соң, аңа таныш булмаган ир-ат шалтыраткан һәм акчаларны иминләштерергә кирәк, дип хәбәр иткән. Әлеге операциягә янә 90 мең сумнан артык таләп ителгән. аларны «аналитик» күрсәтмәсе буенча хатын-кыз таныш булмаган кеше картасына күчергән. Әмма икенче көнне хатын техник ярдәм хезмәтеннән иминиятләштерү хезмәте тоташтырылмаган дигән хат алган, чөнки кирәкле сумма ике транзакция белән һәм аның исеменнән түгел. Ул вакытта зыян күрүче мошенниклар хәйләсенә эләгүен аңлый һәм полициягә мөрәҗәгать итә.

Җинаятьчеләрнең гамәлләреннән килгән зыян 1 миллион сумнан артык тәшкил иткән. «Горки» полициясе бүлегендә «Караклык» маддәсе буенча җинаять билгеләре буенча җинаять эше кузгатылган, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Исегезгә төшерәбез, инвестицияләр ярдәмендә тиз арада акча эшләү – алдалауның киң таралган ысулларының берсе. Еш кына брокер сыйфатында алдакчы зур булмаган сумманы инвестицияләргә тәкъдим итә, шул ук вакытта күпмедер вакыттан соң ике тапкырга күбрәк акча эшләп булачак дип вәгъдә итә. Ышанычлы кеше ризалаша һәм финанс чараларын югалтусыз чыгу катлаулы финанс тозагына эләгә.

Җинаять корбаны булмас өчен, таныш булмаган кешеләрдән килгән мәгълүматны яңадан тикшерергә кирәк, берничек тә аларга үзләренең банк карталары һәм счетлары турындагы мәгълүматны хәбәр итәргә, акчаларны башка счетларга күчерергә ярамый.

Алдашу очраклары турында кичекмәстән полициягә 02 яки 112 телефоннары буенча хәбәр итәргә кирәк.

Шулай ук укыгыз

Барлык яңалыклар