Ленин исемендәге мәдәни-ял комплексы бөтенроссия эшкә урнаштыру ярминкәсе мәйданчыкларының берсе булачак

Очрашуларда Татарстан Республикасы предприятиеләре һәм оешмаларының кадрлар хезмәтләре вәкилләре катнашачак.

Фото: Денис Гордийко

(Казан шәһәре KZN.RU, 29 нчы март). Татарстан «Россия эше. Мөмкинлекләр вакыты» бөтенроссия эшкә урнаштыру ярминкәсенә кушылачак. Региональ этап 14 нче һәм 15 нче апрельдә республиканың барлык шәһәрләрендә узачак, мәйданчыкларның берсе Ленин исемендәге мәдәни-ял комплексы булачак.
Теләге булганнар республика предприятиеләре һәм оешмаларының кадрлар хезмәтләре вәкилләре белән очраша, хезмәт хакы дәрәҗәсе һәм социаль гарантияләр турында белә һәм әңгәмәләр уза алачак.

Программага укыту семинарлары, тренинглар, профтест узу, мәшгульлек хезмәте белгечләренең консультацияләре һәм башка бик күп нәрсәләр кертелгән, дип хәбәр итә ТР Хезмәт, мәшгульлек һәм социаль яклау министрлыгының матбугат хезмәте.

Исегезгә төшерәбез, 3 нче апрельдән Казанның Халыкны эш белән тәэмин итү үзәге үз эшен үзгәртеп корачак. Халыкны территориаль идарәләрдә кабул итәчәкләр. Эш бирүчеләр һәм юридик затлар белән хезмәттәшлек итү, махсус программаларны гамәлгә ашыру өчен Качалов урамы, 77 адресы буенча фронт-офис ачылды.

UPD: Бөтенроссия эшкә урнашу ярминкәсе Казан федераль университетының икенче уку бинасында узачак.

Шулай ук укыгыз

Барлык яңалыклар