Казанлылар бер көн эчендә мохтаҗларга ике тоннадан артык җылы әйберләр тапшырды

Казанлылар бер көн эчендә мохтаҗларга ике тоннадан артык җылы әйберләр тапшырды

<p> </p> <div class="detail-picture"> <img src="https://kzn.ru/upload/iblock/0d3/DSCF4030.jpg"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 4-нче октябрь). Узган ял көннәрендә Казанның 500-дән артык кешесе мохтаҗлар өчен әйберләр җыю буенча хәйрия акциясендә катнашты, аны «Игелекле эшләр көне» фонды Хөсәен Ямашев проспекты, 46/33 адресы буенча сәүдә үзәге янындагы парковкада үткәрде. Казанлылар фонд карамагындагыларга ике тоннадан артык җылы әйберне иганә итеп бирде. </p> <p> Алар кабул итү пунктына өске кием, аяк киеме, балалар киемнәре, куртка, пальто алып килделәр. Рәхмәт йөзеннән һәркем фонд һәм аның партнерларыннан символик бүләкләр алды. </p> <p> Җыелган әйберләр сортланачак һәм мохтаҗларга Калинин урамы, 3 адресы буенча урнашкан «Яхшы куллар» складының кабул итү һәм бирү пунктына тапшырылачак. Ел саен 12 меңнән артык кеше биредә кием-салым, аяк киеме, көнкүреш техникасы һәм башка кирәкле әйберләр ала. </p> <p> Исегезгә төшерәбез, «Яхшы куллар» әйберләр кабул итүнең тагын бер даими пункты Восстание урамы, 59 адресы буенча эшли. Дүшәмбедән шимбәгә кадәр биредә, фасонына һәм размерына карамастан, теләсә нинди яхшы хәлдәге чиста әйберләрне кабул итәләр, дип хәбәр итә «Игелекле эшләр көне» хәйрия фондының матбугат хезмәте. </p> <p>   </p>

2021-10-04T14:32:14+0300