Казан спортчылары Россия җыелма командасы составында го буенча Европа беренчелегендә призлы урыннар яулады

Пандемия белән бәйле рәвештә ярышлар онлайн-форматта узды.

Фото: ТР го Федерациясе

(Казан шәһәре KZN.RU, 22-нче октябрь). Казанлылар Россия җыелма командасы составында балалар-яшүсмерләр арасында го – популяр өстәл логик уены буенча Европа беренчелегендә призлы урыннар яуладылар. Россиялеләр исәбендә 9 призлы урынның 6-сы. Бу – Россиянең 2011 елда өч яшь төркеменә бүленгәннән бирле Россиянең Европа балалар-яшүсмерләр беренчелекләрендә катнашу тарихында иң яхшы нәтиҗәсе.

Ярышлар 15-нче октябрьдән 17-нче октябрьгә кадәр онлайн-форматта өч яшь категориясендә узды, аларда 18 илдән 133 спортчы катнашты.

12 яшькә кадәрге категориядә Россия спортчылары бөтен пьедесталны яулады: Вячеслав Шпаковский – алтын, казанлылар Руслан Тарасов һәм Артур Гыймадиев – «көмеш» һәм «бронза». Бу төркемдә россиялеләр таблицада беренче җиде урынны яулый алды.

16 яшькә кадәрге уенчылар арасында Россия ике медаль яулады: Александр Муромцев – беренче урынны, Егор Лавров – икенче урынны. Дүртенче һәм алтынчы урыннар Алексей Игонин һәм казанлы Әскәр Хөсәеновка эләкте, алар күптән түгел яңа яшь категориясенә күчте – аларга нибары 12 яшь тулды.

20 яшькә кадәрге категориядә Савве Мезинга бронза медаль тапшырылды.

Хәзер егетләр 5-нче ноябрьдән 7-нче ноябрьгә кадәр Мәскәүдә узачак дөнья буенча Россия беренчелегенә әзерләнә, дип хәбәр ителә Россия Федерациясе сайтында.

Го – Борынгы Кытайда барлыкка килгән логик уен. Уенчыларның гомуми саны буенча бу иң киң таралган өстәл уеннарының берсе. Го Бөтендөнья интеллектуаль уеннарының биш төп дисциплинасы арасына керә. Казанда го уенчылары Р. Г.Нәҗметдинов исемендәге республика олимпия резервы спорт мәктәбе базасында шөгыльләнәләр. Моннан тыш, шәһәрдә го уены буенча Россиянең атказанган тренеры, Европада иң яхшы тренерларның берсе – Валерий Шикшин истәлегенә мемориал уеннары үткәрелә.

Шулай ук укыгыз

Барлык яңалыклар