Казанлылар халыкара мөселман киносы фестиваленең иң яхшы фильмнарын күрәчәк

Казанда фильмнар «Мир» кинотеатрында тәкъдим ителәчәк.

(Казан шәһәре KZN.RU, 5-нче сентябрь). 13-15 сентябрьдә Татарстанда «Казан халыкара мөселман киносы фестивале кайтавазы» узачак. Быел тамашачылар узган кинофестивальнең иң яхшы фильмнарын күрә алачак. Ул республика шәһәрләре һәм районнарының муниципаль кинозалларында күрсәтеләчәк. Казанда фильмнар «Мир» кинотеатрында тәкъдим ителәчәк.

Программага 2019 елгы Казан кинофестивалендә катнашкан 16 фильм кергән. Болар - Россия, Таҗикстан, Казахстан, Кыргызстан, Кения, Эстония, Хорватия, Литва, шулай ук Татарстан фильмнары.

Тамашачылар «Кырмысказки» һәм «Семь жемчужин» (Сергей Киатров, Татарстан), «Теснина» (Мухиддин Музаффар, Таҗикистан), «Тренинг личностного роста» (Фәрхәт Шәрипов, Казахстан), «Остазбикә» (Ринат Кәримов-Сайга, Татарстан), «Мунабия» (Таалайбек Кулмендеев, Кыргызстан) һ.б. фильмнарны карый алачак, дип хәбәр итә «Татаркино» матбугат хезмәте.

«Казан халыкара мөселман киносы фестивале кайтавазы» фильмнарының тулы исемлеген «Татаркино» һәм Казан кинофестиваленең рәсми сайтларында урнаштырылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар