Казанлылар итек киеп хоккей уйнаячак

Казанлылар итек киеп хоккей уйнаячак

<p> <img width="870" src="https://www.kzn.ru/upload/iblock/d8f/870.jpg" height="653"><br> </p> <p> (Казан шәһәре KZN.RU, 11-нче февраль). 22-нче февральдә Казанның «Ракета» стадионында һәвәскәр командалар арасында киез итекләр киеп хоккей уйнау буенча матч узачак. Уен Бөек Ватан сугышында җиңүнең 75 еллыгына һәм Татарстан АССР төзелүнең 100 еллыгына багышланган. </p> <p> Бозга 10-ар кешедән торган ике команда чыгачак, алар арасында массакүләм мәгълүмат чаралары вәкилләре, ветераннар һәм «Динамо-Казан» хоккей клубының гамәлдәге уенчылары да бар. </p> <p> Уен туплы хоккей кагыйдәләре буенча узачак: ул 15 минут дәвам иткән ике таймнан торачак. Җиңүче-команда күчмә Кубокка ия булачак, барлык катнашучылар истәлекле сувенирлар алачак. Матч 12.00 сәгатькә планлаштырылган, дип хәбәр итә «Динамо-Казан» хоккей клубы матбугат хезмәте. </p> <p> Катнашу өчен гаризалар 18-нче февральгә кадәр телефон аша кабул ителә: +7(843) 230-00-06, шулай ук электрон почта буенча: <a href="mailto:dinamo.press@yandex.ru">dinamo.press@yandex.ru</a>. </p>

2020-02-11T11:21:26+0300