Казанлылар «Иң яхшы мәктәп директоры» республика конкурсында җиңү яулады

Казанлылар «Иң яхшы мәктәп директоры» республика конкурсында җиңү яулады

<p> <img src="https://www.kzn.ru/upload/iblock/921/DSC_0361.JPG"><br> </p> <p> (Казан шәһәре KZN.RU, 17-нче сентябрь). Татарстанда «Иң яхшы мәктәп директоры-2019» республика конкурсы тәмамланды. Конкурста Татарстанның төрле шәһәр һәм районнарыннан 36 мәктәп директоры катнашты. Конкурс нәтиҗәләре буенча җиңүчеләр һәм призерлар арасында Казан мәгариф учреждениеләре директорлары да бар иде. </p> <p> Катнашучылар арасында 1,5 меңнән артык укучы белем ала торган мәктәп җитәкчеләре дә, мәктәпләрендә нибары 30 бала гына укый торган учреждение җитәкчеләре дә бар иде. </p> <p> Казан федераль университетының Н.И.Лобачевский исемендәге лицей директоры Елена Скобельцына, Казанның Яңа Савин районындагы 179-нчы номерлы гимназиясе директоры Эльвира Наумова һәм Татарстан Республикасының башка шәһәрләреннән җитәкчеләр җиңүче дип табылды. </p> <p> КФУ IT-лицее директоры Тимербулат Сәмәрханов, Казан шәһәре Мәскәү районының 75-нче номерлы гимназиясе җитәкчесе Лариса Помыкалова, Вахитов районының 131-нче номерлы лицей директоры Әлфия Хәбибуллина һәм башкалар конкурсның призерлары итеп сайланды. </p> <p> Конкурс лауреатлары арасында шулай ук Казан директорлары да бар иде: Мәскәү районының М.С.Устинова исемендәге 102-нче гимназиясе җитәкчесе Ирина Проценко, КНИТУ каршындагы сәләтле балаларга химияне тирәнтен өйрәтә торган лицей-интернат җитәкчесе Лилия Ибрашева. </p> <p> Конкурс сынаулары нәтиҗәләре буенча барлыгы 20 катнашучы грант алачак. Алар арасында абсолют җиңүче исемен алган Яр Чаллының 26-нчы номерлы гимназиясе директоры Андрей Сальников та бар иде. </p> «Иң яхшы мәктәп директоры» грантын алу өчен уздырыла торган республика конкурсы республикада 2012 елдан бирле үткәрелә, дип хәбәр итә ТР Мәгариф һәм фән министрлыгы матбугат хезмәте. Аның төп максаты - белем бирү учреждениеләре директорларының эш нәтиҗәлелеген арттыру.

2019-09-17T08:32:49+0300