Казанлылар зооботаника бакчасында яңа туган як баласына исем сайлый алачаклар

Казанлылар зооботаника бакчасында яңа туган як баласына исем сайлый алачаклар

<p> <img width="870" src="https://www.kzn.ru/upload/iblock/070/870.jpeg" height="653"><br> </p> <p> (Казан шәһәре KZN.RU, 9-нчы октябрь, Алинә Бережная). Казан зооботаника бакчасында күптән көтелгән арту булды – биредә як баласы пәйда булды. 20-нче октябрьдә «Якка исем кушу» бәйрәмендә куыш мөгезлеләр гаиләсенә караган хайваннарның борынгы төр вәкилен күрергә мөмкин булачак. </p> <p> Ул Кармен атамалы ана як һәм Папенька исемле ата яктан туган. Казан зооботаника бакчасының матбугат хезмәте хәбәр иткәнчә, яңа туган як баласы әти-әнисе белән бер вольерда яши, печән ашый һәм үзен яхшы хис итә. Хәзерге вакытта Казан зооботаника бакчасында 4 як – ике ана һәм ике ата як яши. </p> <p> Яңа туган якка исем бирмәгәннәр әле, аны «Якка исем кушу» бәйрәмендә казанлылар үзләре сайлаячак. «Кагыйдәләр юк, исем сайлаганда оригинальлек һәм креативлык хуплана», - дип аңлаттылар Казан зооботаника бакчасының матбугат хезмәтендә. Җиңүче «Замбези елгасы» зоопаркына бару мөмкинлеген бирә торган сертификатка ия булачак. </p> <p> Бәйрәм 12.00 сәгатьтә башлана. </p>

2019-10-09T16:46:56+0300