Казанлылар көнкүреш тонометрларының төгәллеген тикшерә алачак

Узган ел үткән «Ышанычка ия бул! Сәламәт бул!» акциясендә 700-дән артык кеше катнашты.

(Казан шәһәре KZN.RU, 6-нчы февраль). 11-нче февральдә Казан «Ышанычка ия бул! Сәламәт бул!» Бөтенроссия акциясенә кушылачак, ул узачак вакытта шәһәр халкы үзләренең көнкүреш тонометрларының төгәллеген бушлай тикшерә алачак. Медицина җайланмаларының эшен Росстандартның ТРдагы белгечләре тикшерәчәк.

Узган ел Росстандарт акциясе беренче тапкыр бөтен ил буенча узды һәм анда 10 меңнән артык кеше катнашты. Казанда акциядә 700 кеше катнашты, 907 көнкүреш тонометрының эшкә яраклылыгы тикшерелде.

Тулаем алганда, Россия буенча метрологлар тикшергән һәр унынчы тонометр дөрес булмаган мәгълүматларны күрсәткән. Белгечләр билгеләп үткәнчә, бу прибор хуҗасының сәламәтлеге һәм гомере өчен куркыныч, бигрәк тә йөрәк-кан тамырлары авыруларын кисәтү һәм контрольдә тоту өчен кулланыла торган өлкән яшьтәге кешеләр өчен.

Акция 9.00 сәгатьтән 17.00 сәгатькә кадәр ТР стандартлаштыру, метрология һәм сынаулар үзәгенең конференц-залында түбәндәге адрес буенча узачак: Журналистлар ур., 24, дип хәбәр итә ТР сәламәтлек саклау министрлыгының матбугат хезмәте.

Шулай ук укыгыз

Барлык яңалыклар