Казанлылар заманча мәгълүмат технологияләре буенча үз белемнәрен тикшерә алачак

Бөтенроссия акциясе 10-24-нче апрель көннәрендә узачак.

Фото: Денис Гордийко

(Казан шәһәре KZN.RU, 18-нче март). 10-24-нче апрель көннәрендә казанлылар бөтенроссия цифрлы диктантка кушыла алачак. Катнашучыларга үз белемнәрен заманча мәгълүмат технологияләре буенча тикшерергә һәм цифрлы грамоталылык дәрәҗәсен билгеләргә тәкъдим ителә.

Цифрлы диктант тест форматында үткәреләчәк: катнашучылар тәкъдим ителгән пунктлардан җавапның бер дөрес вариантын сайлап алырга кирәк булган сораулар алачак. Биремнәр яшь үзенчәлекләрен исәпкә алып төзелгән, әмма алар барысы да дүрт төп тематикага нигезләнә: цифрлы куллану нигезләре, цифрлы компетенцияләр, цифрлы иминлек һәм яңа технологияләр. Акциядә 7 яшьтән өлкәнрәк балалар да, яшүсмерләр дә катнаша ала.

Тестны уңышлы үтү өчен, алдан ук акциянең рәсми сайтында «Барысын да белергә телим» блогында онлайн-китапханә материалын өйрәнергә мөмкин.

Тест сорауларына җавап биргәннән соң һәр катнашучы сайттагы шәхси кабинетта нәтиҗә алачак. Шунда ук барлык дөрес җавапларны күрергә һәм белемнәрдә бушлыкларны тулыландырырга һәм цифрлы грамоталык дәрәҗәсен арттырырга ярдәм итәчәк онлайн-китапханәдән файдалы чыганаклар исемлеген алырга мөмкин.

Тест нәтиҗәләре белән бергә сынауларныт узганнар цифрлы диктантта катнашу турында сертификат алачак. Акциянең соңгы көнендә гомуми нәтиҗәләр ясалачак, иң күп балл җыйган катнашучылар грамоталар һәм призлар алачак, дип хәбәр ителә «Минем документлар» сайтында.

Катнашу өчен сайтта теркәлүне алдан узарга кирәк. Цифрлы диктантны дистанцион режимда язарга мөмкин булачак.

Шулай ук укыгыз

Барлык яңалыклар