Казанлылар мари биюләре буенча мастер-класска кушыла алачак

Дәресне балетмейстер-укытучы Мария Тимофеева үткәрәчәк.

(Казан шәһәре KZN.RU, 22-нче июль). 29-нчы июльдә онлайн режимда мари биюләре буенча мастер-класс узачак. Дәресне укытучы-балетмейстер, Казанның Идел буе районы балалар сәнгать мәктәбенең хореография бүлеге мөдире Мария Тимофеева үткәрәчәк.

Ул халык биюе сыйныфы буенча Палантая исемендәге Мәдәният һәм сәнгать көллиятен тәмамлаган. Хәзерге вакытта мариларның ТР халыклары ассамблеясенең милли-мәдәни автономиясе каршында хореография укыта һәм өченче буын гражданнары өчен бию-хәрәкәт терапиясе юнәлеше буенча «Сәйдәш» мәдәни үзәгенең әйдәп баручы педагогы булып тора.

Мастер-класс Татарстан халыклары дуслыгы йорты битләрендә Instagram һәм «ВКонтакте» социаль челтәрләрендә узачак. Туры эфир 16.00 сәгатьтә башлана, дип хәбәр итә оешманың мәгълүмат үзәге.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар