Казанлылар «Пушкин-фест»та онлайн режимында катнаша алачак

Программада - лекцияләр, викториналар, видеохикәяләр, күргәзмәләр һәм балалар флешмобы.

(Казан шәһәре KZN.RU, 29-нчы май). 1-нче июньнән 6-нчы июньгә кадәр «Пушкин-фест» фестивале узачак, аңа казанлылар онлайн-режимда кушыла алачак. Программада - лекцияләр, викториналар, видеохикәяләр, күргәзмәләр, балалар флешмобы һәм башкалар.

Фестивальнең беренче көне Халыкара балаларны яклау көненә багышланачак. Бу көнне катнашучыларны бөек шагыйрь иҗаты темасына балалар уеннары, күңел ачу һәм викториналар көтә.

Фестивальнең 2-нче июньдә узачак икенче көне темасы - «Пушкин һәм халык мәдәнияте».

3-нче июньдә фестивальнең темасы «Пушкин һәм декоратив-гамәли иҗат традицияләре» булачак. Шәһәр халкы төрле мастер-классларда катнаша алачак.

Шулай ук фестиваль кысаларында «Пушкин һәм фән», «А.С.Пушкин исемендәге мәдәни үзәкнең туган көне» һәм «Рус теле көне» кебек темалар буенча чаралар узачак. Катнашучыларны филология белгечләренең видеолекцияләре, танып белү викториналары, «Пушкин янында кунакта» рәсемнәр виртуаль күргәзмәсе, «А.С.Пушкин әкиятләрен укыйбыз» балалар флэшмобы һәм хәтта «ЖИВаGO» төркеме чыгышы да көтә, дип хәбәр итә ТР Мәдәният министрлыгы матбугат хезмәте.

Фестивальгә сылтама буенча кушылырга мөмкин.

Шулай ук укыгыз

Барлык яңалыклар