Казанлылар Балыкчы бакчасын төзекләндерү проекты буенча фикер алышуда катнаша ала

Проект архитекторлары эшләрнең ничек узуы һәм реконструкциядән соң яшел зонаның нинди булачагы турында сөйләячәкләр.

Фото: Киров һәм Мәскәү районнары администрациясе

(Казан шәһәре KZN.RU, 21 нче июнь). 23 нче июньдә Казанда яшәүчеләр ачык очрашуда катнаша алачак, биредә Бишбалта бистәсендәге Балыкчы бакчасын төзекләндерү проекты турында фикер алышачаклар.

Хәзерге вакытта бакчада төзекләндерү эшләренең беренче чираты кысаларында эшләр бара. Быел анда балалар мәйданчыгын төзекләндерергә, өстәмә чуен фонарьларын алыштырырга һәм урнаштырырга, шулай ук юл өслеген салырга планлаштыралар. Очрашуда проект архитекторлары эшләрнең ничек узуы һәм реконструкциядән соң яшел зонаның ничек булачагы турында сөйләячәкләр. Теләге булган һәркем булачак җәмәгать киңлегенә кагылышлы кызыксындырган сорауларны бирә ала.

Очрашу урыны – фонтан янындагы бакча, 19:00 сәгатьтә башлана, дип хәбәр иттеләр Казанның парклар һәм скверлар дирекциясендә.

Исегезгә төшерәбез, ремонттан соң төп игътибар үзәк объектка юнәлтеләчәк – фонтанда балыкчы скульптурасы торгызылачак. Тренажерлар белән спорт зонасы, амфитеатрлы футбол кыры, теннис корты, чаралар үткәрү мәйданчыгы барлыкка киләчәк – җәй көне анда ачык һавада фильмнар күрсәтү, ә кышын чыршы кую планлаштырыла.

Моннан тыш, бакчада үзенчәлекле ут бизәлеше башкарылачак – ретростильдә фонарьлар һәм гирляндалар барлыкка киләчәк, ә бакчаның бизәге үсемлекләр булачак. Шулай ук алма, чия, миләш, шомырт, спирея һәм башка агач-куаклар утырту планлаштырыла.

Шулай ук укыгыз

Барлык яңалыклар