Казанлылар «Тукай юлы» экскурсиясендә катнаша алачак

Җәяүле һәм велосипед маршрутлары шагыйрь тормышы белән бәйле урыннар аша уза.

(Казан шәһәре KZN.RU, 10-нчы август). 15-нче августта Татарстанда «Тукай юлы» шигъри фестивале башлана. ТеләгәАндн һәркем андакатнаша һәм татар шагыйре Габдулла Тукай тормышы һәм иҗаты белән тематик яктан бәйле маршрутлар буенча җәяүле яки велосипедлы экскурсияләргә кушыла ала.

«Тукай юлы» Татарстанның төньяк районнарындагы бистәләр аша уза: Дәрвишләр, Дача, Каймар, Иске Тура, Тимофеевка, Усад, Ташлы-Ковали, Кушлавыч, Өчиле, Яңа Кырлай, Хотня, Починок-Сосна.

Программада - музейларга бару, китапханәләрдә шигъри кичәләр, мастер-класслар һәм башкалар. Мәсәлән, Балтач районында маршрут Тукай әнисе каберенә бару, Себер тракты музее, су тегермәнен карауны, ә Арча районы Кушлавыч авылында - Мөхәммәтгариф мулла йортының торгызылган утарында урнашкан шагыйрьнең әти-әнисе йорты экспозициясе белән танышуны күздә тота.

Экскурсияләр үткәрү көннәрендә велосипедлылар һәм җәяүлеләр өчен икешәр төркем оештырылачак. Һәр аерым маршрут экскурсия үткәрүчегә һәм теге яки бу төркемдә катнашучыларның теләгенә карап салыначак.

Экскурсияләр 15-29-нчы августта көн саен узачак, катнашучылар Г.Тукай әдәби музеенда 10.00 сәгатьтә җыелачак. Шигъри фестивальдә катнашучылардан һава торышы шартларына җайлашып киенүләрен сорыйлар. Мәгълүматны түбәндәге телефон буенча төгәлләштерергә мөмкин: +7(917)871-13-68, дип хәбәр итә ТР Мәдәният министрлыгы матбугат хезмәте.

Проектны ТР велосипедчылар берлегенең инициатив төркеме оештыра.

Шулай ук укыгыз

Барлык яңалыклар