Казанлылар булачак Спорт паркы буенча йөгерү экскурсиясендә катнаша алачак

<h1></h1> <div> </div> <img src="https://kzn.ru/upload/iblock/9c2/DEN_9416_870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 21-нче июль). 24-нче июльдә Казанда булачак Спорт паркы территориясе буенча ТР спорт министры Владимир Леонов һәм «Архитектура десанты» бюросы хезмәткәрләре белән йөгерү экскурсиясе узачак. </p> <p> Экскурсиядә катнашучыларга Казансу елгасы яры буенда Миллениум күпереннән алып «Ак Барс Арена» стадионына кадәр паркның ничек булачагы турында сөйләячәкләр. Гадәти булмаган йөгереш стадион янындагы мәйданчыкта 12:00 сәгатьтә башлана, дип хәбәр итә ТР Спорт министрлыгы матбугат хезмәте. Катнашуга <a href="https://irg-tatar.timepad.ru/event/1704023/">сылтама буенча</a> теркәлергә мөмкин. </p> <p> Исегезгә төшерәбез, Казанда <a href="https://kazanka.tatar/sportivniy" target="_blank">Спорт паркын </a>төзүгә 2022 елда керешәчәкләр. Аның мәйданы 76 га тәшкил итәчәк, шул исәптән 4,7 ганы «Крачковый күлләре» махсус сакланылучы табигый территориясе алачак. Спорт белән шөгыльләнү өчен паркта 7 га җир бирелә, ә йөгерү трегының озынлыгы 5 км тәшкил итәчәк. Биредә шулай ук команда уеннары өчен мәйданчыклар, воркаут-зоналар, балалар өчен киңлекләр, вакыйгалар мәйданы, экологик сукмак һәм яңа пирс барлыкка киләчәк. </p> <p> Спорт паркы Казансу үсеше стратегиясенә кергән 12 паркның берсе булачак. Моннан тыш, нәкъ менә бу парк шәһәр территориясендә 2022 елда төзекләндерүгә планлаштырылган иҗтимагый киңлекләрне <a href="https://kzn.ru/meriya/press-tsentr/novosti/sportivnyy-park-na-beregu-kazanki-stal-pobeditelem-golosovaniya-za-obshchestvennye-prostranstva-na-2/" target="_blank">сайлау буенча тавыш бирүдә җиңүче</a> булды. </p> <p>   </p>

2021-07-21T13:19:17+0300