В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
19.07.2024, 13:11
Казанлылар мобиль кушымтада бушлай юридик ярдәм алачак
Сервисны ел ахырына кадәр эшләтеп җибәрергә планлаштырыла
Татарстанда икенче яртыеллыкта «Түләүсез юридик ярдәм» сервисын эшләтеп җибәрү планлаштырыла. Аның ярдәмендә республика халкы мобиль кушымтада белгечләр белән киңәшләшә алачак.
Хокукый сорауларга Татарстан Дәүләт юридик бюросы һәм республиканың Юстиция министрлыгы хезмәткәрләре җавап бирәчәк.
Консультация «Татарстан Республикасында яшәүче картасы» мобиль кушымтасының «Сервис» вкладкасында мөмкин булачак. Гражданнар элемтә чараларын: телефон аша, электрон почта аша яисә мөрәҗәгать ярдәмендә сайлап ала алачак (моның өчен кирәкле кырларны тутырырга кирәк булачак), дип хәбәр иттеләр Татарстан Республикасы Юстиция министрлыгы матбугат хезмәтендә.
Исегезгә төшерәбез, «Хокукый ярдәм» цифрлы системасын Россиянең барлык төбәкләрендә гамәлгә кертү планлаштырыла. Проект гражданнарга хокукый мәгълүмат бирү өчен бердәм цифрлы киңлек булдырачак, шулай ук сыйфатсыз юридик ярдәм күрсәтү очракларын минимальләштерергә мөмкинлек бирәчәк.
Шулай ук укыгыз
-
19.06.2025, 14:23 -
19.06.2025, 13:45 -
19.06.2025, 10:47 -
19.06.2025, 09:07