Казанлылар трамвай һәм троллейбусларда Bluetooth тамгалары ярдәмендә түли алачак

Быел Казан метросында да шундый ук түләү ысулы барлыкка килергә тиеш

Фото: Денис Гордийко

Казан трамвайларында һәм троллейбусларында юл йөрү өчен акчасыз түләүнең Bluetooth тамгалары ярдәмендә яңа ысулын эшләтеп җибәрделәр. Хәзер пассажирлар маршрут төзи һәм Яндекс Go кушымтасында билет сатып алырга мөмкин: смартфон автомат рәвештә транспортны билгели һәм берничә секунд эчендә түләүне язып калдыра.

Хезмәттән файдалану өчен телефонда Bluetooth-ны кабызырга, Яндекс Go кушымтасында «Транспорт» бүлеген ачарга һәм кирәкле маршрутны сайларга кирәк. Смартфон автомат рәвештә билгеле электр транспорты тамгасы сигналын таный, шуннан соң юл йөрү өчен түләргә мөмкин. Акча сервиска бәйләнгән картадан алына, ә бөтен процесс якынча биш секундны тәшкил итә. Электрон билет «Минем билет» бүлегендә һәм заказлар тарихында саклана – аны контролерга күрсәтергә мөмкин.

Фото: МУП «Метроэлектротранс»

«Метроэлектротранс» МУП быел шундый ук мөмкинлек Казан метрополитенында да барлыкка киләчәк, дип билгели. Бу сәфәрләр өчен акчасыз һәм банк картасыннан башка да түләргә мөмкинлек бирәчәк.

Исегезгә төшерәбез, элегрәк предприятие һәм Яндекс Go түләүнең цифрлы сервисларын кертү буенча хезмәттәшлек турында килешү имзалады, шул исәптән QR-код буенча исәп-хисап. Хәзер электр транспорты пассажирларына берничә түләү ысулы бар: банк һәм социаль карта, автобус йөртүчесенә акчалата, QR-код, геолокация буенча һәм хәзер Bluetooth тамгасы аша.

Шулай ук укыгыз

Барлык яңалыклар