Казанлылар хокукый диктант яза алачак

Казанлылар хокукый диктант яза алачак

<p> (Казан шәһәре KZN.RU, 6-нчы декабрь). 7 декабрь көнне 12.00 сәгатьтә бөтен ил буенча РФ Конституциясенең 25 еллыгына багышланган II Бөтенроссия хокукый (юридик) диктант башланачак. Казанда диктант язу өчен биш мәйданчык ачылачак, иң зурысы – Казан федераль университетында.<br> </p> <p> КФУның төп бинасында диктантны университетның 130-га якын студенты, шулай ук теләгән һәркем язачак. Диктантта 14 яше тулган РФ гражданнары катнаша ала. </p> <p> Онлайн режимында диктантны Россиянең теләсә кайсы почмагында 3-10 декабрь көннәрендә юрдиктант.рф сайтында язарга мөмкин. 7 декабрьдә 12.00 сәгатьтә турыдан-туры язу өчен Россиянең барлык төбәкләрендә дә мәйданчыклар ачылачак. Бөтенроссия хокукый диктантында катнашучыларга бер сәгать эчендә 30 сораудан онлайн-тест узарга кирәк булачак. </p> <p> Бөтенроссия (хокукый) юридик диктант язучылар исемле сертификатлар алачаклар, дип хәбәр иттеләр КФУда. </p> <p> Диктантны шулай ук Тимирясов ис. Казан инновацион университетында, Россия дәүләт гадел хөкем университетының Казан филиалында, Бөтенроссия дәүләт юстиция университетының Казан филиалында һәм ТИСБИның Идарә университетында язарга мөмкин булачак. </p> <p> Диктантны оештыручылар - Россия юристлары ассоциациясе, "Эшлекле Россия", О.Е.Кутафин ис. Мәскәү дәүләт юридик университеты (МДЮА), Россия Федерациясе Президенты каршындагы Эшкуарлар хокукларын яклау буенча вәкаләтле вәкил һәм Стратегик инициативалар агентлыгы. </p>

2018-12-06T13:47:46+0300