Казанлылар дистанцион рәвештә Пасха хезмәтенә кушыла алачак

Турыдан-туры трансляция Казан Кремленең Благовещенск соборыннан оештырылачак.

(Казан шәһәре KZN.RU, 17-нче апрель). Православие динен тотучы казанлылар Казан Кремленең Благовещенск соборында узачак Пасха хезмәтенә дистанцион рәвештә кушыла алачак. Моның өчен бәйрәм көнендә ТНВ телеканалында һәм «Татмедиа» республика агентлыгы сайтларында турыдан-туры трансляция оештырылачак.

Исегезгә төшерәбез, барлык Казан гыйбадәтханәләре Пасхага килүчеләр өчен ябык булачак. Культ корылмаларына баруны тыю Татарстанда 14-нче апрельдән алып санитар-эпидемиологик вәзгыять яхшырганчыга кадәр гамәлдә булачак. Ул руханиларга кагылмый. Казан һәм Татарстан митрополиты Феофан дин тотучыларга «әлеге карарны үтәүләрен» сорап мөрәҗәгать итте.

Пасха көнендә гыйбадәтханәләргә шәхсән барып булмаганга, православие динен тотучы казанлылар куличларны, пасха ризыгын, йомыркаларны һәм башка пасха атрибутларын үзләре шәхсән изгеләштерә алалар. Татарстан митрополиясендә моны өй шартларында ничек эшләргә мөмкин булуын аңлаттылар.

Шулай ук республика халкына, санитар-эпидемиологик хәл яхшырганчы, зиратларга барудан тыелырга куштылар: моңа җирләү (күмү) буенча хезмәтләр күрсәтүне рәсмиләштерү һәм күмүдә катнашу очраклары керми. Димәк, әлеге чорда традицион рәвештә зиратларны чистарту өмәләрен соңрак вакытка күчерергә туры киләчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар