Казанлылар тонометрларның төгәллеген бушлай тикшерә алачак

Акциядә шәһәр халкына приборларның эшендә җитешсезлекләрне ничек төзәтергә кирәклеге турында сөйләячәкләр.

Фото: Денис Гордийко

(Казан шәһәре KZN.RU, 1 нче апрель). 5 нче апрельдән 7 нче апрельгә кадәр Татарстан башкаласында «Ышанычлы бул! Сәламәт бул!» акциясе узачак, аның барышында шәһәр халкы көнкүреш тонометрларының төгәллеген бушлай тикшерә ала. Чара Бөтендөнья сәламәтлек көненә багышлана.

Акция 9:00 сәгатьтән 17:00 сәгатькә кадәр Журналистлар ур., 24 адресы буенча узачак. Медицина җайланмаларының эшен Татарстан Республикасында Росстандарт белгечләре тикшерәчәк. Метрологлар тонометр күрсәткечләре турында нәтиҗә ясаячак һәм төзексезлекне бетерү буенча киңәшләр бирәчәк, дип хәбәр итә Татарстан Үзәк метрология хезмәте матбугат хезмәте. Тулырак мәгълүматны +7(843)233-18-02 телефон номеры буенча белергә мөмкин.

Акциянең максаты – халыкның игътибарын һәркемнең тормышында үлчәүләрнең бердәмлеген тәэмин итүнең әһәмиятенә юнәлтү. Хәзерге вакытта һәр гаиләдә булган тонометр – моның өчен иң яхшы үрнәк, чөнки аның ярдәмендә үз сәламәтлегеңнең торышын күзәтеп була.

Шулай ук укыгыз

Барлык яңалыклар