Яңалыклар
13.09.2022, 12:27
Казанлылар беренче тапкыр узучы «Фиджитал уеннар»ны бушлай карый алачак
Моның өчен алдан теркәлү кирәк.
Фото: Денис Гордийко
(Казан шәһәре KZN.RU, 13 нче сентябрь) Шәһәрлеләр 21-23 нче сентябрьдә Казанда беренче тапкыр узачак «Фиджитал уеннар»ны бушлай карый алачак. Ярышлар 2024 елда Татарстан башкаласында узачак «Киләчәк уеннары» алдыннан сынау чарасы булачак.
«Фиджитал уеннар» «Казан Экспо» халыкара күргәзмә үзәгендә узачак. Спортчылар беренчелек өчен дүрт дисциплинада уйнаячак: фиджитал-футбол, фиджитал-баскетбол, beat saber һәм дроннар ярышы. Беренче ике дисциплинада спортчылар компьютер уеннарында да, реаль спорт мәйданчыгында да ярышачаклар, футбол һәм стритбол уйнаячаклар, дип хәбәр итә «Фиджитал уеннар» матбугат хезмәте.
beat saberда катнашып, атлетлар виртуаль чынбарлык күзлекләрен киеп, геометрик фигураларны музыкаль ритм астында җимерергә һәм баллар җыярга тиеш. Дроннар ярышында спортчылар FPV-күзлекләрдә махсус пульт ярдәмендә очу аппаратлары белән идарә итәчәкләр. Алар белән идарә итеп, дистанцияне җайлап үтәргә һәм финишка беренче булып барып җитәргә кирәк.
Фиджитал атлетлардан Казанга Эдамс Вальтер Скляр – Эд, Александр Степанов – Алекс стиль, Андрей Белов – Belkakep, Алексей Гуркин, шулай ук Бразилия футбол блогерлары һәм башкалар киләчәк.
Чарага бушлай керү өчен сылтама аша теркәлергә һәм билет алырга кирәк.
Исегезгә төшерәбез, 21-24 нче сентябрьдә Казанда Kazan Digital Week халыкара форумы узачак. Уйлап табучылар һәм цифрлы интелектуаль технологияләр кулланучыларга йөз тоткан әлеге чара шулай ук «Казан Экспо» күргәзмә үзәгендә узачак, бина күргәзмә павильоннары, сессия заллары, ачык демонстрация мәйданчыклары, уңайлы транспорт һәм рекреацион инфраструктура белән җиһазландырылган.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
