Казанлылар эшкәртүгә 2,5 тоннадан артык икенчел чимал тапшырды

Экологик акциядә 1369 кеше катнашты.

(Казан шәһәре KZN.RU, 26-нчы февраль). Казанлылар 2531,87 кг икенчел чималны эшкәртүгә 23-нче февральдә шәһәрнең сәүдә үзәкләренең берсендә эшләгән мобиль пунктка тапшырды. Экологик акциягә 1369 кеше кушылды.

Активистлар 493,15 кг каты пластик, 419,67 кг йомшак пластик, шул исәптән дойпак һәм көпшәләр, 803,17 кг макулатура, 191,58 кг тетрапак, 109,20 кг металл һәм 7,85 кг фольга, «Тылсымлы капкачлар» проекты өчен пластик шешәләрдән җыелган 57,60 кг капкач (җыелган акчалар «Песи һәм Эт» приютына тапшырылачак), 24,35 кг пластик уенчыклар, 102,2 кг компакт-дисклар һәм техника, 323,1 кг кием-салым, аяк киеме һәм чүпрәкләр, дип хәбәр итә оештыручылар.

Шулай ук укыгыз

Барлык яңалыклар