Казанлылар «Лапа дружбы» хәйрия акциясендә 5 этне сыендырган

Шәһәр приютларына 200 кг азык тапшырганнар

Фото: Парклар һәм скверлар дирекциясе

(Казан шәһәре KZN.RU, 21 нче август). «Лапа дружбы» хәйрия акциясендә биш эт яңа йорт тапты. Чарада катнашучылар шулай ук шәһәр приютлары өчен 200 кг азык җыйган.

Акция якшәмбе көнне узды. Фучик урамындагы бульварда лекторияләр, интерактив һәм хәйрия зоналары оештырылды. Кунаклар өчен мастер-класслар һәм ветеринария консультацияләре әзерләнде, дип хәбәр итә шәһәрнең Парклар һәм скверлар дирекциясе.

Исегезгә төшерәбез, шәһәрдә өченче ел хәйрия акцияләре уза, 2022 елда 20 эт яңа йортлы булды.

Шулай ук укыгыз

Барлык яңалыклар