Яңалыклар
08.08.2024, 14:52
Казанлылар ачык бәхәс вакытында Бауман урамындагы җир асты галереясенең киләчәге турында фикер алышачак
Очрашуда катнашучылар киңлектән файдалану сценарийлары һәм аның дизайны турында сөйләшәчәк
Казанда 13 августта «Бауманның җир асты галереясе: ул нинди булырга мөмкин?» темасына ачык фикер алышу узачак . Очрашуда киңлекнең киләчәген, аның Вахитов районы һәм гомумән шәһәр өчен мөмкин булган өстенлекләре, дизайн һәм куллану сценарийлары турында фикер алышачаклар.
Спикерлар арасында «ТР шәһәрләрен үстерү институты» фонды директоры Наилә Зиннәтуллина, Вахитов һәм Идел буе районнары администрациясе башлыгы Альберт Салихов, ТРда «Алдынгылар советы» рәисе Камилла Нуруллина һәм башкалар көтелә.
Бәхәс 19:00 дә җир асты галереясе территориясендә башлана, керү – Бауман урамы ягыннан, Никольский соборы белән янәшә. Катнашу өчен алдан теркәлү кирәк, дип хәбәр итә «Алдынгылар хәрәкәте» төбәк бүлекчәсе матбугат хезмәте.
Элегрәк җир асты галереясе шәһәр халкы өчен «НУР»фестивале вакытында ачылган иде. Бетон коридорларда Volume инсталляциясен француз-япон дуэты Ноэми Шипфер һәм Таками Накамото NONOTA тәкъдим иткән иде.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
