Казанлылар балаларына Осман, Хәбир, Эллада, Потапий, Индира исемнәре биргән

Казанлылар балаларына Осман, Хәбир, Эллада, Потапий, Индира исемнәре биргән

<p> (Казан шәһәре KZN.RU, 27-нчн сентябрь). Узган атнада, Казанның Гражданнар хәле актларын теркәү бүлекләрендә 432 бала (216 малай һәм 216 кыз) тууы теркәлгән.<br> </p> <p> Казанның иң яшь анасына 18 яшь булса, иң өлкәненә – 41. Иң яшь әтигә 18 яшь булса, иң өлкәненә – 55. Туган вакытта минималь һәм максималь бала авырлыгы күрсәткечләре - 620 һәм 5250 грамм. </p> <p> Атна дәвамында иң еш кушылган исемнәр: Әмирхан, Александр, Елизавета, Василиса, Даниил, Егор, Макар. Сирәк кушылган исемнәр: Эллада, Индира, Юстина, Осман, Хәбир, Ангелия, Дженифер, Данна, Потапий. </p> <p> Шушы ук чорда Гражданнар хәле актларын теркәү бүлекләрендә 356 пар никахларын рәсмиләштергән. Иң яшь кияү белән кәләшкә 18 һәм 17 яшь булса, иң өлкәннәренә – 81 һәм 57 яшь, дип хәбәр итә Казанның Гражданнар хәле актларын теркәү идарәсе. </p>

2018-09-27T13:25:00+0300