Казан әти-әниләре балаларына Божена, Соломон, Альфред, Ивета исемнәрен кушкан

Узган атнада башкалада 86 малай һәм 61 кыз туган.

(Казан шәһәре KZN.RU, 8-нче май). Узган атнада, 29-нчы апрельдән 5-нче майга кадәр, Казан Гражданлык хәле актларын теркәү бүлекләрендә 147 бала тууы теркәлгән: 86 малай һәм 61 кыз.

Иң яшь әнигә – 18 яшь, иң яшь әтигә - 20. Иң өлкән әнинең яше – 46, иң өлкән әтинеке - 52. Туган вакытта иң җиңел авырлыктагы бала 990 грамм булган, иң зур авырлыктагысы - 4530 грамм.

Бу атнаның балалар исемнәре арасында иң популяр түбәндәгеләр: Кәрим, Мәдинә, Артур, Софья, Ранель, Матвей, Арина, Ясминә. Ата-аналар үз сабыйларына кушкан иң сирәк исемнәр: Божена, Татьяна, Федор, Соломон, Альфред, Мила, Ивета, Борис, Дана.

Шул ук вакыт эчендә шәһәрнең Гражданлык хәле актларын теркәү бүлекләрендә 70 пар никахларын теркәде, дип хәбәр итә Казан Гражданлык хәле актларын теркәү идарәсе.

Шулай ук укыгыз

Барлык яңалыклар