Казанлылар август аенда узачак спорт чараларында волонтер була ала

Иреклеләр Kazan SwimRun триатлоны буенча ярышларны һәм «Төнге Казан» йөгерешен оештыруда ярдәм итәчәк.

Фото: Денис Гордийко

(Казан шәһәре KZN.RU, 13-нче август). Казанда спорт чараларына волонтерлар җыю башланды. 21-нче һәм 22-нче августта Kazan SwimRun триатлон буенча ярышлар планлаштырылган, ә 28-нче августта - «Төнге Казан» йөгереше.

Timer Helpers волонтерлар командасы стартлар оештыруда катнашачак, навигацияне тәэмин итәчәк, туклану һәм яктырту нокталары эшләвен тәэмин итәчәк, бүләкләү процедурасында, мәгълүмат өстәле эшендә, спорт күргәзмәләрендә һәм штабта ярдәм итәчәк. Спорт ярышларында команданың төп бурычы – катнашучылар һәм тамашачылар өчен дустанә атмосфера булдыру.

Волонтерларга фирма футболкасы, смена вакытында туклану һәм су, партнерлардан һәм оештыручылардан бүләкләр, электрон рәхмәт хаты биреләчәк, шулай ук волонтерлык кенәгәсенә язмалар кертеләчәк. Булачак ярышлар казанлыларга аларның ничек оештырылуы белән эчтән танышырга мөмкинлек бирәчәк, дип билгеләп үтә Timerman спорт чаралары сериясе матбугат хезмәте.

Волонтерлар сафына 16 яшьтән өлкәнрәк шәһәрнең теләсә кайсы кешесе керә ала («Төнге Казан» узышында волонтерлык өчен – 18 яшьтән), моның өчен сайтта гаризаны тутырырга һәм зур булмаган онлайн-укыту узарга кирәк. «Казан триатлоны»на гаризаны 18-нче августка кадәр, «Төнге Казан»га 27-нче августка кадәр бирергә мөмкин.

Шулай ук укыгыз

Барлык яңалыклар