Казанлылар грипп һәм коронавирустан тәүлек буе прививка ясата ала

Төнлә 7 нче номерлы шәһәр клиник хастаханәсендә вацинацияләнергә мөмкин.

Фото: Денис Гордийко

(Казан шәһәре KZN.RU, 5 нче сентябрь). Казанда яшәүчеләр грипп һәм коронавирустан тәүлек буе прививка ясата ала. Төнлә, 20.00 сәгатьтән 7.30 сәгатькә кадәр, вакцинацияне 7 нче номерлы шәһәр клиник хастаханәсендә Чуйков урамы, 54, 3 нче терминал адресы буенча үткәрәләр.

Көннең көндезге вакытында сырхауханәләрдә һәм «Южный» сәүдә үзәгендәге мобиль пунктта вакцинацияләнергә мөмкин. Биредә прививкаларны 10:00 дән 19:00 гә кадәр ясыйлар, дип хәбәр итәләр ТР Сәламәтлек саклау министрлыгының Сәламәтлек саклау идарәсендә.

Исегезгә төшерәбез, казанлылар интраназаль ысул белән, ягъни вакцинаны борынга сиптерү юлы белән вакцинацияләнә алачак. Табиблар олыларга әлеге препаратны прививканы кабат ясатканда кулланырга киңәш итә. Вакцинациянең интраназаль ысулы вакытында «Спутник V» препараты кулланыла. Аны өч атна аралыгында икешәр компонент белән кертәчәкләр.

Моннан тыш, коронавируска һәм гриппка бер үк вакытта прививка ясатырга рөхсәт ителә. Бүгенге көндә йөкле хатын-кызлар һәм 6 ае тулган балалар гриппка «Ультрикс Квадри» вакцинасы, ә өлкәннәр «Совигрипп» вакцинасы белән прививка ясата ала.

Вакцинация грипптан һәм аннан соң өзлегүләрдән саклануның иң эффектив ысулы булып кала. Хәзер прививка ясау өчен иң уңайлы чор – иммунитет авыру дәрәҗәсе күтәрелгәнче формалашырга өлгерәчәк.

Шулай ук укыгыз

Барлык яңалыклар