Казанлылар «Минем балачак - сугыш» бөтенроссия телевизион проектына кушыла ала

Конкурста катнашуга гаризалар 1-нче сентябрьгә кадәр кабул ителә.

(Казан шәһәре KZN.RU, 3-нче июль). Казанлылар «Минем балачак - сугыш» бөтенроссия телевизион проект-конкурсына кушыла ала. Катнашучыларга сугыш балалары белән мини-интервью ясарга яки аларның язмышы турында архив фотосурәтләре һәм хатлардан файдаланып сөйләргә кирәк.

Проектның төп максаты - Бөек Ватан сугышы вакыйгаларын шаһитлар истәлекләрендә саклау, балачагы һәм яшьлеге сугыш елларына туры килгән кешеләр турында җиткерү.

Сугыш балаларына түзәргә һәм исән калырга ярдәм иткән мотивацион видеороликлар конкурсы проектның төп чарасы булачак.

Конкурста катнашучылар өчен махсус номинация - РФ Иҗтимагый палатасы флешмобы кысаларында социаль челтәрләрдә постлар каралган. Конкурсантларга видеоны төшерергә яки хикәя язарга, шигырь укырга яки сугыш вакытында балалар язмышы турында җыр башкарырга тәкъдим ителә, шуннан соң видеоны яки текстны шәхси биткә #моедетствовойна һәм #детивойны, #историяВОВ, #[герой яшәгән төбәк исеме], #[герой яшәгән пункт исеме] хештеглары белән урнаштырырга кирәк.

Конкурста катнашуга гаризалар 1-нче сентябрьгә кадәр кабул ителә.

Конкурсның төп номинацияләре өчен приз фонды 100 мең сум тәшкил итәчәк, махсус номинацияләр өчен - 20 мең сум. Махсус номинацияләр буенча арадаш йомгаклар агымдагы елның 1-нче сентябренә кадәр атна саен ясала, ә ахыргы нәтиҗәләрне 2021 елның 1-нче декабренә кадәр уздыру планлаштырыла.

Катнашу шартлары белән сылтама буенча конкурс нигезләмәсендә танышырга мөмкин.

Шулай ук укыгыз

Барлык яңалыклар