Казанлылар Бөек Ватан сугышында Җиңүнең 80 еллыгы волонтерлык корпусына кушыла ала

Иреклеләрдән гаризалар 5 нче февральгә кадәр кабул ителә

5 февральгә кадәр Җиңүнең 80 еллыгы Казан корпусына волонтерлар җыю башланды. Быел Россиядән һәм башка илләрдән 500 меңнән артык ирекле хезмәткәр «Җиңү волонтерлары» хәрәкәтенең истәлекле чараларын оештыруда ярдәм итәчәк.

Проектка 14 яшьтән өлкәнрәк булган, теләгән һәркем кушыла ала. Моның өчен сылтама буенча теркәлү узарга кирәк. Шуннан соң катнашучылар региональ корпусның уку курсларына һәм чараларына керү мөмкинлеге алачак.

Волонтерларга Россия мәдәнияте, социаль проектлау, эмоциональ интеллект, патриотик контент булдыру, шулай ук гаилә тарихын өйрәнү кебек юнәлешләр буенча онлайн уку узарга тәкъдим итәчәкләр. Әзерлек үзәкләрендә остазлар зур чаралар оештыру тәҗрибәсе белән уртаклашачаклар һәм ветераннарга ничек ярдәм итәргә кирәклеге турында сөйләячәкләр.

Иреклеләр шулай ук «Үлемсез полк», «Җиңү поезды», «Җиңү диктанты», «Кызыл канәфер», «Георгий тасмасы», «Блокада икмәге», «Хәтер бакчасы» һәм «Геройлар урамнары» патриотик акцияләрендә катнаша алачак.

Активистларга сертификатлар бирәчәкләр һәм хәрәкәт символикасы булган төрле әйберләр белән алмаштырырга мөмкин булган баллар өстәячәкләр. Волонтерларны сайлап алу 12–14 февраль көннәрендә узачак, дип хәбәр иттеләр Казанның балалар һәм яшьләр эшләре буенча комитетында.

Шулай ук укыгыз

Барлык яңалыклар