Казанлылар Зәңгәр күл территориясен җыештыруга кушыла алачак

Барлык волонтерлар өчен УНИКСтан трансфер оештырылачак.

(Казан шәһәре KZN.RU, 29-нчы июль). Казанлылар Зәңгәр күл территориясен җыештыруга кушыла алачак. Рус географик җәмгыяте активистлары катнашындагы экологик акция 30-нчы июльдә булачак.

Барлык волонтерлар өчен трансфер оештырылачак. Автобус аларны УНИКС концерт залы алдында көтәчәк, кузгалу 9.00 сәгатьтә булачак. Яңадан шәһәргә кайту 11.00-11.30 сәгатькә планлаштырылган.

Акциядә катнашу өчен кирәкле барлык әйберләрне урында бирәчәкләр, дип хәбәр ителә «ВКонтакте» челтәрендәге «Чиста булачак» экологик хәрәкәте паблигында. Шәһәрлеләрдән һава торышына яраклашып киенергә һәм үзләре белән шәхси саклану чараларын - битлекләр һәм перчаткалар алырга сорыйлар.

Экология акциясенә язылу ТРда Рус географик җәмгыятенең Instagram-аккаунтында, шулай ук «ВКонтакте» челтәрендәге «Чиста булачак» экологик хәрәкәте паблигының шәхси хәбәрләрендә алып барыла.

Исегезгә төшерәбез, мондый экологик акцияләр Казанда инде өченче атна рәттән оештырыла. Элегрәк активистлар Рус-Немец Швейцариясе территориясен чистартып, 4 кубометр чүп җыйганнар иде. Узган атнада Авиатөзелеш районындагы Урман күленең яр буе зонасыннан 15 капчык чүп чыгарылды, шулай ук сулык төбеннән 3 кубометр чүп-чар күтәрелде.

Шулай ук укыгыз

Барлык яңалыклар