В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
28.04.2021, 11:34
Казанлылар «Кызыл канәфер» хәйрия акциясенә кушыла ала
Истәлекле значоклар кибетләрдә, онлайн-мәйданчыкларда, шулай ук җәмәгать урыннарында сатылачак.
Фото: Казан шәһәре KZN.RU
(Казан шәһәре KZN.RU, 28-нче апрель). Казанлылар «Буыннар хәтере» хәйрия фонды тарафыннан үткәрелә торган «Кызыл канәфер» ел саен уздырыла торган бөтенроссия акциясенә кушыла ала. Кызыл канәфер чәчәге рәвешендә кәгазь яки металл значокларны сатудан җыелган барлык акчалар ветераннар өчен дарулар һәм медицина җиһазлары сатып алуга, шулай ук аларны дәвалауга һәм тернәкләндерүгә юнәлдереләчәк.
Билгеләрне 22-нче июньгә кадәр онлайн-кибетләрдә, популяр сәүдә челтәрләрендә һәм «Россия почтасы» бүлекләрендә сатып алырга мөмкин. Шулай ук волонтерлар аларны җәмәгать урыннарында таратачак.
Быел «Кызыл канәфер» акциясе илнең 75 төбәген колачлаячак. 2020 елда акция кысаларында волонтерлар 2 млн сум җыя алган, дип хәбәр итә «Буыннар хәтере» хәйрия фондының матбугат хезмәте.
Шулай ук укыгыз
-
03.08.2025, 09:14 -
02.08.2025, 09:12 -
01.08.2025, 17:32 -
01.08.2025, 17:11