Казанлылар «Балаларны мәктәпкә җыябыз» акциясенә кушыла ала

Акция «Умиление» гаилә, ана һәм балачакны яклау үзәге инициативасы белән үткәрелә.

(Казан шәһәре KZN.RU, 9-нчы август). Казанда «Балаларны мәктәпкә җыябыз» акциясе старт алды. Теләге булган һәркем аңа кушыла һәм аз керемле гаиләләрдәге балаларга яңа уку елына әзерләнергә ярдәм итә ала.

Казанлылар малайлар һәм кызлар өчен мәктәп формасын, рюкзаклар, шулай ук канцелярия кирәк-яраклары да ала алалар: дәфтәрләр, ручкалар, гади һәм төсле карандашлар, рәсем ясау өчен альбомнар, ластиклар, линейкалар.

Әйберләрне Успенский Зилант монастыре территориясендә урнашкан гуманитар складка (Архангельск тыкрыгы, 1) китерергә була. Склад чәршәмбе, җомга һәм шимбә көннәрендә 11.00-16.00, пәнҗешәмбе көннәрендә 13.00-18.00 сәгатьләрдә эшли.

Акция «Умиление» гаилә, ана һәм балачакны яклау үзәге инициативасы белән үткәрелә, дип хәбәр итә Казан епархиясе матбугат хезмәте.

Шулай ук укыгыз

Барлык яңалыклар