Казанлылар «Хәтер бакчасы» акциясенә кушылып, үз кишәрлекләрендә агач утырта алалар.

Акция башланганнан бирле Россиядә 3 миллионга якын агач утыртылган инде.

(Казан шәһәре KZN.RU, 22-нче апрель). Казанлылар үз участокларында агачлар утыртып «Хәтер бакчасы» акциясенә кушыла алалар. Акция Россиядә Бөек Ватан сугышында Җиңүнең 75 еллыгы елында уздырыла - 27 млн һәлак булучы истәлегенә 27 млн агач утырту планлаштырыла. Акция башланганнан бирле 3 миллионга якын агач утыртылды инде.

Коронавирус инфекциясе таралу куркынычы аркасында килеп туган санитар-эпидемиологик вәзгыятькә бәйле рәвештә, акциягә дистанцион рәвештә ярдәм итәргә мөмкин. Моның өчен агачны үз участогыңда утыртырга һәм садпамяти2020.рф сайтында акциянең интерактив картасына «Хәтер бакчасы» урнашу урыны турында мәгълүмат бирергә кирәк. Акциядә катнашу турындагы фотоларны социаль челтәрләрдә #СадПамятиДома хештегы белән урнаштырырга кирәк, дип хәбәр иттеләр Россия урман хуҗалыгы федераль агентлыгында.

Федераль агентлыкта билгеләп үтелгәнчә, муниципаль берәмлекләрдә акция соңрак үткәрелергә мөмкин.

Шулай ук укыгыз

Барлык яңалыклар