Казанлылар Бөтенроссия экологик конкурсында катнаша ала

Казанлылар Бөтенроссия экологик конкурсында катнаша ала

<p> <img width="870" src="https://www.kzn.ru/upload/iblock/863/DEN_0545-_-kopiya.jpg" height="652"><br> </p> <p> (Казан шәһәре KZN.RU, 17-нче декабрь). Казанлылар Бөтенроссия экологик конкурсында катнаша ала. Моның өчен икенчел эшкәртүгә материал (калдыклар төре) сайларга, аны эшкәртү ысулларын өйрәнергә, аларны гамәлдә кулланырга кирәк. Эшләр 31-нче декабрьгә кадәр кабул ителә. </p> <p> Конкурс дүрт номинацияне күздә тота. «Калдык-интровертлар» номинациясендә чүп-чарны аерым төрләргә бүлеп җыюны пропагандалау, бу ысулның файдасы һәм кирәклеге турында сөйли торган фотографияләр һәм фоторепортажлар, шәһәрдә/бистәдә чүп җыю урыннарының дизайн-проектлары, шул исәптән чүп бакларының дизайны, бакларга мәгълүмати стикерлар макетлары катнаша. </p> <p> «Калдыклар да яшәргә тели» номинациясе - төбәктә экологик хәлне яхшыртуга юнәлтелгән калдыкларны файдалы материалларга куллану һәм эшкәртү проектлары һәм иҗади эшләнмәләр өчен. </p> <p> Икенчел чималны арт-объектларга, интерьер һәм экстерьер бизәү предметларына, кече архитектура формаларына һәм башка объектларга әверелдерү буенча иҗади идеяләрне «Матурлык бөтен җирдә» номинациясендә тәкъдим итәргә мөмкин. </p> <p> Ә «Рециклинг һәм экология. Түбәннән яңача караш» номинациясендә әйләнә-тирәне чүп-чардан саклау темасына рәсемнәрне бәяләячәкләр. Биредә 1-4-нче сыйныф укучылары гына катнаша ала. </p> <p> Тулаем алганда, бәйге белем бирү учреждениеләренә – балалар бакчалары, мәктәпләр, лицейлар, гимназияләр, сәнгать мәктәпләре, өстәмә белем бирү балалар үзәкләренә - йөрүчеләргә, яшь категориясе кысаларына керүче, әмма белем бирү учреждениеләренә йөрмәүче балаларга исәпләнгән. </p> <p> Проектның оештыручылары - Рус география җәмгыяте һәм Россия нәшрият корпорацияләренең берсе. Эшләр 31-нче декабрьгә кадәр кабул ителә, җиңүчеләрне 2020 елның 15-20-нче гыйнварына кадәр билгеләячәкләр, дип хәбәр итә Татарстан Экология һәм табигый байлыклар министрлыгының матбугат хезмәте. Конкурс турында тулырак мәгълүматны <a href="https://eco.rosuchebnik.ru/konkursy/den-vtorichnoy-pererabotki-podarim-novuyu-zhizn-starym-veshcham/" target="_blank">сылтама буенча</a> табарга була. </p>

2019-12-17T15:37:01+0300