В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
31.01.2020, 09:53
Казанлылар «Җиңү вальсы»нда катнаша ала
Иҗат кичәсендә чыгыш ясарга теләүчеләр өчен бушлай репетицияләр оештырылачак.
(Казан шәһәре KZN.RU, 31-нче гыйнвар). Казанлылар Бөек Ватан сугышында Җиңүнең 75 еллыгына багышланган «Җиңү вальсы»нда катнаша ала. Иҗади кичәдә биюче сыйфатында чыгыш ясарга теләүчеләр өчен һәр якшәмбе бушлай репетицияләр оештырылачак.
«Җиңү вальсы»нда катнашучыларга дресс-код кагыйдәләрен үтәргә кирәк, дип ассызыклый оештыручылар. Яшь егетләргә күлмәк белән чалбар яки хәрби форма, кызларга – күлмәк яки итәк белән ябык җилкәле ретро-стильдә блузка кияргә киңәш ителә. Репетицияләр һәр якшәмбе 18.30 сәгатьтә Казан православие гимназиясе бинасында узачак: Миңнуллин ур., 21. Үзең белән алмаш аяк киеме алып килергә кирәк.
«Җиңү вальсы» 24-нче февраль көнне Ленин исемендәге мәдәни-күңел ачу комплексында узачак. Башлана 14.00 сәгатьтә. Билетлар турында тулырак мәгълүматны Татарстан митрополиясе сайтында табарга була.
Шулай ук укыгыз
-
25.07.2025, 16:19 -
25.07.2025, 14:57 -
25.07.2025, 13:54 -
25.07.2025, 12:49