Казанлылар Just Dance буенча турнирда катнаша алачак

Җиңүче төбәкара чемпионатта республиканы тәкъдим итәчәк

27 нче июльдә Бәшир Рамеев исемендәге ИТ-паркта Just Dance фиджитал-дисциплина буенча турнир булачак. 16 яшьтән өлкәнрәк барлык теләүчеләр дә катнаша ала.

Квалификация ике трекны үз эченә ала. Сигез иң яхшы биюче финалга эләгәчәк, аның этаплары җиңелгәннән соң төшеп калу белән, Олимпия системасы буенча узачак.

Ярышларның җиңүчесе Перьмдә Идел буе федераль округы төбәкара чемпионатында республиканы тәкъдим итәчәк. Башка иң яхшы спортчыларга грамота һәм спонсорлардан кыйммәтле бүләкләр тапшырачаклар.

Катнашу өчен гаризалар 25 нче июльгә кадәр сылтама буенча кабул ителә. Төгәл мәгълүмат ТР фиджитал-спорт федерациясенең телеграм-канлында бар.

«Спортчыларны Cyber Park Arenaда Спартак урамы, 2а адресы буенча көтәчәкләр. Чараны Бәшир Рамеев исемендәге ИТ-парк ярдәме белән ТР фиджитал спорт федерациясе оештыра», – дип хәбәр ителәр ТР цифрлар министрлыгында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар