Казанлылар почтада хастаханә кәгазе буенча түләүләр ала ала

Моның өчен эш бирүчегә үзеңнең почта адресыңны күрсәтеп гариза тапшырырга кирәк.

Фото: Казан шәһәре KZN.RU

(Казан шәһәре KZN.RU, 25-нче июнь). Татарстанлылар почтаның якындагы бүлегендә хастаханә кәгазе буенча түләүләр ала ала. Бу түләүләрнең РФ Социаль иминият фонды тарафыннан эшләүче гражданнарга түләнгән иминият очракларына кагыла.

Шулай итеп, почта аша вакытлыча хезмәткә яраксызлык, йөклелек һәм бала табу буенча, йөклелекнең иртә срогында (12 атнага кадәр), бала туганда, 1,5 яшькә җиткәнче бала карау буенча, производствода зыян күрүчегә өстәмә отпуск биргәндә пособиеләр алырга мөмкин булачак.

Эш бирүчегә, эшкә сәләтсезлек кәгазе белән бергә, үзенең почта адресын күрсәтеп, түләү алу өчен гариза бирергә кирәк. Акча бүлекчәгә килгәч, хат ташучы хәбәрнамәне адресатның почта тартмасына китерәчәк. Акчаны паспортны күрсәтеп яки закон нигезендә расланган ышаныч кәгазе буенча законлы вәкил аша алырга мөмкин. Алучыдан комиссия алынмый.

Әгәр түләүдән баш тарту өчен дәлилләнгән сәбәпләр булмаса, акча гариза һәм документлар алган көннән соң 10 календарь көн эчендә күчерелә. Шул ук вакытта турыдан-туры түләүләр эш бирүченең финанс хәленә бәйсез рәвештә пособие алу хокукын гарантияли, дип хәбәр итә «Татарстан Почтасы» федераль хезмәте матбугат хезмәте.

Шулай ук укыгыз

Барлык яңалыклар