Казанлылар бушлай юридик ярдәм ала ала

Белгечләр шәһәр халкына гаилә, торак һәм милек мәсьәләләре буенча консультация бирәчәк.

Фото: Марат Мугинов

(Казан шәһәре KZN.RU, 6-нчы апрель). Казанлылар гаилә, торак һәм милек мәсьәләләре буенча бушлай юридик ярдәм ала алачак. Шәһәрлеләргә «Игелекле эшләр көне» хәйрия фондының юридик хезмәте белгечләре консультацияләр бирәчәк.

16 апрельдә 10.00 сәгатьтән 12.00 сәгатькә кадәр гаилә мәсьәләләре буенча юридик консультация узачак. Аны ТРда бала хокуклары буенча вәкаләтле вәкилнең җәмәгать ярдәмчесе Наталья Веретенникова үткәрәчәк. Ул аерылышу, милекне бүлү, никах контракты, аталыкны билгеләү һәм башка сорауларга җавап бирәчәк.

20-нче апрельдә 10.00-12.00 сәгатьләрдә торак мәсьәләләре буенча Татарстан Республикасы Төбәк җәмәгать контроле үзәге белгечләре кабул итәчәк. Алар шәһәрлеләргә торак законнарын ачыкларга һәм дәгъва белдерүләрен төзергә ярдәм итәчәк.

27-нче апрельдә 10.00-12.00 сәгатьләрдә милек мәсьәләләре буенча Росреестр һәм Кадастр палатасы белгечләре консультация уздырачак. Алар милеккә күчемсез милекне рәсмиләштерү, сату-алу, бүләк итү килешүләрен төзү белән бәйле сорауларга җавап бирәчәк.

Моннан тыш, атна саен пәнҗешәмбегә кадәр 10.00 сәгатьтән 12.00 сәгатькә кадәр гомуми мәсьәләләр буенча юрист Илдар Кыямов кабул итәчәк. Ул 2013 елдан «Игелекле эшләр көне» фонды карамагындагыларга ярдәм итә.

Консультацияне Калинин урамы, 3 адресы буенча алырга була. Алдан язылу өчен телефон: +7(843)236-65-61. Фондта булганда, һичшиксез, үзең белән битлек булырга тиеш, дип искә төшерә «Изге эшләр көне» хәйрия фонды матбугат хезмәте.

Шулай ук укыгыз

Барлык яңалыклар