Казанлылар хезмәт стажын раслый торган архив белешмәләрен онлайн режимында ала алачаклар

Казанлылар хезмәт стажын раслый торган архив белешмәләрен онлайн режимында ала алачаклар

<p> (Казан шәһәре KZN.RU, 16-нчы гыйнвар). Хезмәт стажын һәм хезмәт хакын раслый торган архив белешмәләрен ТР дәүләт һәм муниципаль хезмәт күрсәтүләре порталы аша алып булачак. Документлар электрон форматта да, кәгазьдә дә бирелә, гаризаның статусы үзгәрү турындагы хәбәрләр шәхси кабинетка килә.<br> </p> <p> “Белешмәләр гариза бирелгәч, 21 эш көне эчендә ТР дәүләт хезмәт күрсәтүләре порталында электрон документ рәвешендә бирелә, - дип аңлатты ТР мәгълүматлаштыру һәм элемтә министры урынбасары Тимур Зарипов. – Кайбер очракларда әлеге срок озайтылырга мөмкин”. </p> <p> Кәгазь белешмәләр “Минем документлар” үзәкләрендә, архив идарәсендә бирелә яисә “Россия почтасы” белән җибәрелергә мөмкин. Уңайлы форматны хезмәт алырга гариза биргәндә күрсәтергә кирәк. </p> <p> Архив белешмәне алырга гаризаны онлайн бирергә мөмкин, моның өчен порталда авторизация үтәргә кирәк һәм Бердәм идентификацияләү һәм аутентификацияләү системасында (ЕСИА) шәхси кабинет булырга тиеш. Гариза үтәлеше процессы турында хәбәрләр кулланучының шәхси кабинетына яисә “Услуги РТ” мобиль кушымтасында калкып чыккан тәрәзә рәвешендә киләчәк. </p> <p> 2017 елда барлыгы 20 меңнән артык хезмәт стажын һәм хезмәт хакын раслый торган архив белешмәләре бирелгән. </p>

2018-01-16T14:24:36+0300