Казанлылар йорт хайваннарын поездда озата баручылардан башка Мәскәүгә, Санкт-Петербургка һәм Яңа Уренгойга җибәрә алачаклар

Казанлылар йорт хайваннарын поездда озата баручылардан башка Мәскәүгә, Санкт-Петербургка һәм Яңа Уренгойга җибәрә алачаклар

<p> (Казан шәһәре KZN.RU, 9-нчы ноябрь). Хуҗаларыннан башка гына йорт хайваннарын күчерү хезмәтен тәкъдим итүче ерак араларга йөри торган поездлар исемлеге артты. </p> <p> Ул түбәндәге поездларда тәкъдим ителә: 1/2 номерлы Казан – Мәскәү поезды, 24/23 номерлы Мәскәү – Казан поезды, 41/41 номерлы Түбән Новгород – Казан поезды, 378/377 Казан – Яңа Уренгой поезды, 133/133 номерлы Казан – Санкт-Петербург поезды, 54/53 номерлы Мәскәү – Чебоксар поезды, 58/58 Мәскәү – Йошкар-Ола поезды, 142/141 номерлы Мәскәү – Чебоксары. </p> <p> Сервис ерак араларга йөрүче 236 поездда бар. Бүгенге көндә йорт хайваннары өчен 200 билет алынган, дип хәбәр итә Горький тимер юллары – “Россия тимер юллары” ААҖ филиалы матбугат хезмәте. </p> <p> Билетларны махсус багаж кассаларында алып була. Бер хайванга билет бәясе юл ераклыгыннан тора һәм кимендә 730 сум тәшкил итә. </p> <p> Поездларда этләр, мәчеләр, кошлар һәм башка кечкенә җылы канлы хайваннарны, шулай ук ташбакаларны күчерергә мөмкин. Пассажирлар һәм хезмәткәрләр тормышына зыян салырга мөмкин хайваннарны күчерү тыела. Хайваннар махсус контейнерларда кабул ителә. </p> <p> Бер кеше өч урыннан артык ала алмый. Контейнерда ике генә хайван күчерелә ала. Һәр контейнерның авырлыгы хайван белән бергә 75 килограммнан артмаска тиеш. </p>

2018-11-09T14:11:57+0300