Казанлылар Күпфункцияле үзәк офисларында керемнәр турында хисап тота алалар

Казанлылар Күпфункцияле үзәк офисларында керемнәр турында хисап тота алалар

<p> <img width="870" src="https://www.kzn.ru/upload/iblock/1dc/870.jpg" height="653"><br> </p> <p> (Казан шәһәре KZN.RU, 14-нче февраль). 30-нчы апрельгә кадәр физик затларга 2019 елда алынган керемнәр турында хисап тотарга кирәк. Салым инспекцияләреннән тыш, моны төп хисап документы буларак 3-НДФЛ декларациясен биреп, Күпфункцияле үзәк офисларында эшләргә мөмкин. </p> <p> 3-НДФЛ декларациясен милек сатудан (мәсәлән, фатир) керем алганда, милек хокукларын реализацияләүдән, күчемсез милекне, транспорт чараларын, акцияләрне, өлешләрне, якын туганнары булмаган физик затлардан пайларны бүләк итеп алганда бирергә кирәк. </p> <p> Шулай ук документ физик затлардан һәм салым агентлары булмаган оешмалардан түләү алганда, лотерея операторларыннан һәм комарлы уеннарны оештыручылардан отыш алганда, Россиядән читтә булган чыганаклардан керем алганда бирелә. </p> <p> «Минем документлар» офисларына инде тутырылган декларацияне алып килергә яки аны түләүле тутыру өчен хезмәткәрләргә мөрәҗәгать итәргә мөмкин. Декларацияне кабул итү хезмәте бушлай. </p> <p> Декларациядә исәпләнгән салымны агымдагы елның 15-нче июленнән дә соңга калмыйча түләргә кирәк, дип хәбәр ителә «Минем документлар» дәүләт һәм муниципаль хезмәтләр рәсми интернет-порталы сайтында. </p>

2020-02-14T11:09:03+0300