Казанлылар яңа үрнәктәге биометрик чит ил паспортын КФҮ офисында рәсмиләштерә ала

Документ ун елга бирелә һәм хуҗасы турында тулы мәгълүматны үз эченә ала.

(Казан шәһәре KZN.RU, 30-нчы июль). Казанлылар электрон мәгълүмат йөртә торган «яңа буын» биометрик чит ил паспортын КФҮ офисында рәсмиләштерә ала. Документ ун елга бирелә, аны теркәлү урыны буенча КФҮ аша рәсмиләштерү вакыты бер ай, ә мөрәҗәгать итү урыны буенча - 3 айга кадәр тәшкил итәчәк.

Документны башка затлар тарафыннан охшатып ясау яки куллану мөмкин түгел, чөнки ул тулы мәгълүматны һәм хуҗасы турында уникаль мәгълүматны үз эченә ала - шул исәптән күз карасы арасындагы ераклык һәм бармак эзләре.

КФҮкә гариза бирү өчен дәүләт пошлинасын түләргә һәм берничә документ тапшырырга кирәк: Россия паспорты, булган очракта иске чит ил паспорты, гаризага ябыштырыла торган 35х45мм ике фотография. Паспортка фотоны КФҮ хезмәткәрләре ясый.

«Минем документлар» офисларында килүчеләрне Эчке эшләр министрлыгы хезмәткәрләре министрлык тарафыннан эшләнгән график буенча кабул итә. Республикада әлеге хезмәт КФҮнең тугыз офисында күрсәтелә. Мәсәлән, Казанда яңа үрнәктәге чит ил паспорты алырга теләүчеләрне кабул итү «Идел буе» КФҮдә Авангард урамы, 74 адресы буенча дүшәмбе көннәрендә 9.00-дән 16.00 сәгатькә кадәр (13.00-дән 14.00-гә кадәр тәнәфес) узачак, дип хәбәр ителә «Минем документлар» дәүләт һәм муниципаль хезмәтләрнең рәсми интернет-порталында .

Шулай ук укыгыз

Барлык яңалыклар