Казанлылар куллану вакыты чыккан кайбер паспортлардан һәм машина йөртү таныклыгыннан ел ахырына кадәр файдалана алачак

Алар ел ахырына кадәр гамәлдә булып кала, документларны алыштыру өчен күпфункцияле үзәкләрнең бүлекләренә мөрәҗәгать итәргә кирәк.

(Казан шәһәре KZN.RU, 22-нче июль). Казанлылар куллану вакыты чыккан кайбер паспортларны һәм машина йөртү таныклыкларын ел ахырына кадәр алыштыра алачак. Бу РФ гражданнарының гамәлдә булу вакыты 1-нче февральдән 15-нче июльгә кадәр тәмамланган паспортларына һәм йөртүче таныклыкларына кагыла. Алар ел ахырына кадәр гамәлдә булып кала, документларны алыштыру өчен күпфункцияле үзәкләрнең бүлекләренә 31-нче декабрьгә кадәр мөрәҗәгать итәргә кирәк.

Яшәү урыны буенча яки теркәлгән урын буенча гариза биргән очракта РФ гражданы паспортын алмаштыруга 16 көн кирәк, яшәү урыны буенча булмаса - 36 көн. Яңа документны гариза биргән вакыттан соң икенче эш көнендә дә алырга мөмкин. Бу яшәү урыны буенча миграция мәсьәләләре буенча бүлеккә мөрәҗәгать иткәндә һәм нәкъ менә башта документ бирелгән бүлекчәгә мөрәҗәгать иткәндә генә мөмкин.

Йөртүче таныклыкларына килгәндә, күпфункцияле үзәк аша документлар биргәндә аларны рәсмиләштерү срогы 15 эш көне тәшкил итә, дип хәбәр ителә «Минем документлар» дәүләт һәм муниципаль хезмәтләрнең рәсми интернет-порталында.

Шулай ук укыгыз

Барлык яңалыклар