Казанлылар ВИЧка бушлай тест тапшыра алачак

Казанлылар ВИЧка бушлай тест тапшыра алачак

<p> Татарстан башкаласында яшәүчеләр иртәгә, 11 июньдә, ВИЧка аноним һәм бушлай тест уза алачак. Мобиль пункт Бауман урамындагы сәгать янында урнашачак. </p> <p> Медицина хезмәткәрләре 13:00 дән 17:00 гә кадәр кизү торачак, дип хәбәр итте оештыручылар. Теләүчеләр шулай ук социаль хезмәткәр белән киңәшләшә алачак. </p> <p> «Җиңү өчен тест» акцияләре июль ахырына кадәр шәһәрнең ике мәйданчыгында – Бауман урамында һәм Горький исемендәге паркта узачак. </p> <p> Проект гражданлык җәмгыятен үстерү өчен алынган Татарстан гранты акчаларына гамәлгә ашырыла. Акцияләр ТР Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча Республика үзәге белән берлектә оештырылды. </p>

2025-06-10T15:44:00+0300