Казанлылар аноним рәвештә ВИЧ-инфекциягә бушлай тест уза ала

Акция 12-нче августта Бауман урамында узачак.

Фото: Марат Мугинов

(Казан шәһәре KZN.RU, 11-нче август). Иртәгә, 12-нче августта, казанлылар ВИЧ-инфекциягә бушлай аноним тест уза алачак. «Тест на ВИЧ: Экспедиция 2021» акциясе Бауман урамындагы сәгать янында 12:00 сәгатьтән 18:00 сәгатькә кадәр (метро ишекләре янында) узачак.

Мобиль пункт белгечләре шәһәр халкына бу авыру турында сөйләячәк, шәхси куркынычларны бәяләргә ярдәм итәчәк һәм яклауның нәтиҗәле чаралары турында искә төшерәчәк. Моннан тыш, акция уздыру чорында Татарстанда медицина хезмәткәрләре һәм өлкән сыйныф укучыларының ата-аналары өчен мәгълүмати-агарту семинарлары узачак.

Чаралар коронавирус инфекциясе таралуны профилактикалау чараларын үтәп узачак. Консультантлар шәхси яклау чараларын кулланачак, шулай ук һәр килүчедән соң тестның мобиль пунктлары өслеге дезинфекцияләнәчәк. Моннан тыш, тән температурасын үлчәү дә оештырылачак.

Тулырак мәгълүматны СПИД һәм йогышлы авырулар белән профилактика һәм көрәш буенча республика үзәге сайтында алырга мөмкин.

«Тест на ВИЧ: Экспедиция 2021» бөтенроссия акциясе 1-нче июньдә Санкт-Петербургта старт алды һәм 1-нче ноябрьдә Хабаровскта тәмамланачак. Югары квалификацияле белгечләр командасы, кешеләргә ВИЧ-инфекция таралу проблемасын искә төшерү өчен, Россиянең 50 төбәгенең зур һәм кече шәһәрләре буенча узачак.

Шулай ук укыгыз

Барлык яңалыклар